B’ e a’ chiad rud a rinn sinn an t-seachdain seo, spòrs spòrsail le Mgr Vitry. Mar an t-seachdain sa chaidh bha sinn a’ dèanamh Quidditch. An àite snac is bainne chunnaic sinn bhideo Harry Potter mu dheidhinn Quidditch a chòrd ris a h-uile duine gu mìorbhaileach!
Gu h-inntinneach bha sinn air a bhith ag ionnsachadh mu dheidhinn chiad-chobhair. Tha na clasaichean air a bhith feumail is inntinneach. An t-seachdain seo bha sinn ag ionnsachadh dè nì sinn taobh a-muigh na sgoile ma chì sinn cuideigin a tha feumach air cuideachaidh, a-nis faodaidh sinn an cuideachadh oir tha sinn eòlach air ciamar a chùmas sinn sinn fhèin sàbhailte, mar a chuireas sinn fios gu 999 agus cuin is ciamar a chuireas tu cuideigin anns an Recovery Position.
Gu fortanach bha Mgr Allan a’ tighinn a-steach a-rithist a dhèanamh geama coding còmhla ruinn air Pyonkee ach, gu mì-fhortanach, cha do chuir sinn crìoch air. Nach buidhe dhuinn gu bheil e am beachd a bhith an seo a-rithist an ath Dhimàirt.
Gu mìorbhaileach, ùine air ais rinn sinn fiolm mu dheidhinn Màiri Banrigh na h-Alba gu h-inntinneach, Diardaoin, chunnaic sinn e aig Premiere sa sgoil. A bharrachd air a sin fhuair na daoine a rinn e teisteanasan spaideil.
Ann an ealain Diardaoin bha an tidsear ùr againn, a’ Bh-uas NicConnail. Tha i cho spòrsail. Bha sinn a’ bruidhinn mu dheidhinn na faireachdainnean againn an uair sin taghadh dè na dathan a chleachdadh sinn.
Gu spòrsail, rinn sinn stop-motion còmhla ris a’ Bh-Uas. Hoy agus bha sinn a’ cur crìoch air an film againn airson a’ cho-fharpais – ‘s dòcha gum buannaich sinn £100!
Gu brònach, tha a’ Bh-uas NicLeòid a’ falbh oir tha i a’ dol a’ leigeil dhi a dreuchd. Bidh pàrtaidh againn air a son!
